humne kaati hain teri yaad mein raateiN aksar
dil se guzri hain sitaroN ki barateiN aksar
aur toh kaun hai jo mujhko tasali deta
haath rakh deti haiN dil par teri baateiN aksar
husn shayista-e-tehzeeb-e-alam hai shayad
ghamzada lagti hain kyun chandani raateiN aksar
haal kehna hai kisi se toh mukhatib ho koi
kitni dilchasp, hua karti haiN baateiN aksar
ishq rehzan na sahi, ishq ke haathoN phir bhi
humne luut'ti hui dekhi haiN barateiN aksar
humse ik baar bhi jeeta hai na jeetega koi!!!!!!!
vo toh hum jaan ke kha lete haiN maateiN aksar........
unnse pucho kabhi chehre bhi parhe haiN tumne?????????
jo kitaaboN ki kiya karte haiN baateiN aksar.............
Comments
Post a Comment